Syla: Urgjentisht të mbështeten edhe punëtorët e kompanive të menaxhimit të mbeturinave

23:31 | 27 Mars 2020
Arbresh.info

Deputeti i AAK-së, Gazmend Syla ka kritikuar qeverinë në detyrë që nuk i ka përfshirë punëtorët e menaxhimit të mbeturinave në pakon e mbështetjes të publikuar sot.

Ai ka thënë se këta punëtorë meritojnë respekt të madh dhe se nuk duhet lënë anash.

Syla ka kërkuar qeverisë që urgjentisht të mbështeten edhe këta punëtorë me masat e reja.

Ky është postimi i tij i plotë:

E pa pranueshme lënia anash dhe pa mbështetje të punëtorëve të kompanive të menaxhimit të mbeturinave, duke pas parasysh rolin e tyre të pazëvendësueshëm gjatë krizës pandemike.

Ata punëtorë të cilët bëjnë një punë jo të lehte duhet te trajtohen me respekt gjithmonë, e sidomos tash sepse dihet fare mirë në çfarë kushte punojnë.

Qeveria duhet urgjentisht ta përfshijë edhe këtë kategori në vendimin për shtesa në paga gjatë kohës së krizës edhe pse ato kompani menaxhohen nga komunat.

 

Shpërndaje në rrjete sociale

Lajmet më të lexuara

Të ngjashme

Foto lajm